الفيروس
حبيبي لا تفكر في الكلام أن تاهت احروفه
لك الله لو نسيت الحكي ما ينساك مضمونه
معاك ولك ومنك وبك وفيك ولجلك أطوفه
حديث ولهجة ومعنى تراجم كوكبي وكونه
معك صدق النوايا ينتزع من وقتنا خوفه
ويصبح بك ويمسي بك يا أول وآخر اركونه
لك الي فات وحتى الآت تصدق نعمل ابروفه
نبي نسعدك من الآخر عسى الله بعوني وعونه
من أول ما أنبثق نور الشعاع بطرفي وشوفه
تملكني وتسيد محجر عيوني وغدى نونه
وصال هنا ٠وجال هناك ٠وفتت بالحشا طوفه
وصل قلبي وتربع لا .وحط لعرشه .ايقونه
وبرمج حسي وانفاسي وحتى الفكر بكفوفه
بفيروس الهوى واحصان طروادة غلا دونه
وصرت أعشق تفاصيلك ولا بك شي انا اعوفه
سوى لا غبت عن عيني اردد.. وينه.. أشلونه
اعيش بشوفك. وبعدك يموت القلب من خوفه
وخلق الله تكتب ما بوسط العين يقرونه
حقيقه تهت انا فيك وكلامي تاهت أحروفه
ولكن بأختصار ايفيد.. أحبك.. هذا مضمونه
بقلم / منى الطوير
